Adxectivos: describe un obxecto

A tarefa desta semana consiste no seguinte:

1. Elixe un obxecto.
2. Debúxao.
3. Descríbeo empregando os diferentes graos do adxectivo.

Data de entrega: 16 de novembro.

Pescuda: O magosto

Nesta ocasión, teredes que pescudar sobre o magosto, unha tradición de orixe Celta que celebramos todos os anos en Galicia.

Víctor Gómez, magoso en Pixabay, licenza CCO Creative Commons.


Data de entrega da tarefa: venres 9 de novembro.




Descrición dun visitante do Asteroide B612

Imaxina que recibes unha visita que procede do Asteroide B612.

Describe como é o Asteroide, o seu habitante e como chegou á Terra empregando:


  • Adxectivos.
  • Comparacións: 

          Ex.: O seu cabelo é negro coma o carbón.

  • Metáforas: substituíndo un elemento por outro parecido.

          Ex.: O Sol é a lanterna que nos dá calor.

  • Hipérboles: Esaxeración.

          Ex.: É tan lento coma unha tartaruga.


Data de entrega da tarefa: venres 26 de outubro.


Noticia terrorífica

Dende o Equipo de Biblioteca, pedíronnos facer un conto de medo coa seguinte temática:

Nun colexio de Ponteareas, na celebración do seu 50 aniversario, 
algo ocorreu que fixo a todos berrar.


A nosa tarefa desta semana, vai ser redactar unha nova que conte o que pasou ese día.

Lembrade:

1. Poñer un título.
2. Responder ás preguntas: que?, quen?, onde? cando?, como? e  por que?
3. Redactade a nova.
4. Engadide fotografía ou debuxo.
5. Realizade un marco terrorífico.


Data de entrega da tarefa: venres 19 de outubro.

Unha receita para a felicidade


Imos escribir a RECEITA DA FELICIDADE, para o que precisamos:

              1. Título
              2. Ingredientes.
              3. Número de persoas ás que vai dirixida a receita.
              4. Elaboración.

Lembrade aliñar cun toque de creatividade. Enriquece moito as receitas ;-)

Tarefa para entregar o 11 de outubro.






O Pomar, de Filgueira Valverde

Para celebrar o día das Letras galegas, realizamos diferentes traballos sobre o texto "O Pomar" (escollidos dos materiais do Seminario Galán) de xeito colaborativo.

6 grupos
4 membros
6 actividades
1 produto final


  • Grupo 1: vídeo coa lectura/recitado do texto.
  • Grupo 2: Nota cos adxectivos identificados.
  • Grupo 3: Cartel do texto.
  • Grupo 4: Mapa mental coas palabras femininas plural.
  • Grupo 5: Ilustración do texto.
  • Grupo 6: Nube de palabras coas árbores froiteiras atopadas.


PRODUTO FINAL: vídeo que recompile todas as actividades.


Poesía colaborativa "Somos piratas"

Na aula de 1ºB decidimos facer este ano, polo día do libro, unha poesía colaborativa.

Cun remuíño de ideas decidimos o tema (os piratas) e as palabras que poderían aparecer nesta poesía.

 Entre todos elaboramos a primeira estrofa.

 Amigos piratas 
 que saquean tesouros. 
 Grandes piratas 
 que teñen ouro. 

 A seguinte estrofa é diferente para cada equipo. Empregamos a metodoloxía dotraballo colaborativo para que cada membro do grupo pensase e escribise un verso.

 Rematamos coa gravación dun vídeo coa poesía completa de cada equipo. 








Os pulmóns

Os pulmóns: respiramos



Material: cartolinas, debuxo dos pulmóns, palliñas, bolsas de conxelar e ceras.



O mago, un proxecto de traballo colaborativo

Comezamos co proxecto de traballo colaborativo "O mago" no curso 2013-2014.

Esta forma de traballar e organizar a aula xurdiu como parte das actividades realizadas dentro do Grupo de traballo Senticolor.

Para consultar o realizado durante ese tempo, pinchar nas seguintes imaxes:


Enlace aos arquivos do blog Olla polo buratiño.



Enlace aos arquivos do blog Senticolor.